1.
Buli tinai, buli tinai
ikau ije layang toh,
Ije jayong bara Bapam kejau toto dangae toh;
Ikau ije asi asi.ije nihau wei karasih,
dan pakayam jeharier,robo,
papa haliai; buli bele matei meher
hong kasusah ije hai!
2.
Bapam ije raju-rajur
mentai ikau, anak aie;
sintae dengam jaton tendur,
asie toto paham hai.
Kare ksalam sia men-men,
asal atei huangm lenyoh
hong kanyasal toto te,
asal ikau buli wei!
3.
Buli ikau anak busu
hong karandah ateim wei;
asal buli toto-toto
akan human Bapam wei!
Ela mado jaton gunae!
Kare utang dosam punah
awi sintan, asin Bapam
ije manangkalau wei
kareOkare tirok huangm.
Buli tanggoh Bapam wei!
4.
Bapam paham angat huange
dengam ije pehe toh;
sintae asie te manambang
ikau ije anake, yoh
asal wei inggaum karantep
sium sintae palus matep
kare auh kanyasal atei,
uyat aim imalok wei.
Bapam hanjak rantang ateie
asal ikau buli wei!
5.
Palus klambim inakiri
hapan jetaheta wei,
ije bungam tuntang brasih
je katetek arae te.
Buli, mangat ikau slamat,
jaton beken jalan awat
akan ije jari rusak,
matei hong kalayang wei.
Has toh buli, ela langak,
horoi jalan awat te.
6.
Langkap lihi eka kaput,
kare punga, tipu wei;
himat palus toh manuntut
jalan akan klawa te!
Ite kayu sampalaki,
eka Tuhan manakiri!
Lengee toh indepe akam
tantai trima ikau wei,
mimbit ikau buli Bapam
akan eka slama te.
R.L.178