1.
Salamat ungkup ije jari trima
o ikau Yesus, Juruslamatku.
Kasanang ayum tame huang humae
marentah oloh awang pakat wei,
dan heret dengam bleku Tuhan dumah
ganggu lo ie huang, sintam te;
karidu klahi kejau barae kae kahanjak
dan kamangat bagie wei.
2.
Salamat ungkup, eka oloh sama
marajin Tuhan toto haliai;
percaya tuntang bulat ateie kea,
manggau slamat ije katatai,
Yoh slamat ije heret dengam Tuhan,
hung kpehe hung kahanjak magon wei;
harajur sanang ie tau mansahan
salepah bitie huang asim te.
3.
Salamat ungkup, eka indu-bapa
manyarah hante kare anak aie,
mansahan ie hapan lakudoae
hung lengem,Yesus ije sobat aie.
Dan majar ie kahum katabelae
mangenang Tuhan, rajin haliai
manara aram dan harajur kea
mananggoh Tuhan, hapan laku aie.
4.
Salamat ungkup, eka anak oloh
malalus gawie hong taharep aim,
hung taloh korik kea bujur toto,
pahias turnon kare prentah aim;
bakotok jaton, tapi randah atei,
bajenta,paris, kakal haliai;
yoh slamat ie ije sampai matei
harajur mingat ikau, Tuhan aie.
5.
O Yesus Kristus, ije Batang slamat
dan batang berkat, palus katatai;
0 tame human ikei dan mampangat
hung sintam, asim ije toto hai.
Yoh Tuhan Yesus, ije toh ingenang
salepah atei ikei handiai;
o pasi, mangat ikei toto sanang,
salamat kea apalus katatai.