1.
0 sarah kare jalam, kepehen ateim te,
kan bapam huang sorga , hung kuasa aie bewei.
Kan riwut bulan, bintang imprahae jalan aie,
batantu jalam kea manumon tukas aie.
2.
O harap janjin Tuhan, te sanang atei aim;
yoh lalus kare prentahe, te bujur tanjong aim.
Balalu hung kapehe, hung kikeh handiai,
tau ikau mentai ie, pandohop ije hai.
3.
Aie kutoh kare jalan mandohop oloh aie,
tau mawat, tau manguang, mambelom katatai!
Toh eweh tau mambalang kakare gawiete?
Kahandak ayue manang harajur palus wei.
4.
Yoh aloh kare setan malawan haliai,
Hatalla puna Tuhan, mampalahe handiai.
kakare tirok ayue kan oloh baris aie,
batantu tulus toto kantarae, kahai.
5.
Toh metoh hung kapehe, je mawi bitim te
o ela tapareke, malengkan harap wei;
Hatalla tempon slamat,pandohop, oloh aie,
yoh ie ije mawat, malalus janji aie.
6.
Salamat, toto slamat kakare oloh te,
je hung kaketep tamat,yoh himat magon wei
maharap janjin Tuhan, mahaga prentah aie
kan ewen ije tahan, salamat berkat hai.
7.
O Tuhan, toh paterai kapehen ikei te!
paabas.dohop ikei, nakara magon wei
tau harap asi ayum, percaya janjin aim.
Kalote jalan ikei manintu sorga aim.
LN.No.62