1.
Titiang muji-muji Ratu
Kawitan titiang ne sujati
Ida suci tan pacadcad
Titiang muji-muji Ratu
Kawitan titiang ne sujati
Ida suci tan pacadcad
Ida ngamargiang pakaran Sang Aji
Tansah pageh, Terus kahyun salaminnya
Mamucukang Ajin Ida
2.
Klintang ledang Sang Hyang Yesus,
Satinut kahyun sane ngutus,
Mumutang pakarsan Ida.
Trepti ledang kahyun Ida,
Mailehan raris mamargi,
Ring panegra Yahudi.
Nguruk tan pegatan, ngwentenang kasidian,
Ngardi becik, ring jadmane mailehan
Maraga Widi nyekala
3.
Anak sungkan katah pisan.
Rawuh tangkil ring Sang Hyang Yesus.
Maka sami kicen seger.
Nyingakin anak sangsara.
Wetu suh paswecan Idane.
Raris kicen pitulungan.
Manis ring wedana, raris sabdan Ida.
Darma sadhu, saluwiring pamarginnya.
Nyihnayang kasaduan kahyun.