1.
Margi ngaluwihang parab
Ida Sang Hyang Yesus
Nangkil ja ring ayun Ida
tur nyumbah, nyumbah Ida
Sang Ratu Yesus
2.
Orti rahayun Idane
Madak kaortiang
Marija pasamuan sami
manyumbah, nyumbah Ida
Sang Ratu Yesus
3.
Ih para kaulan Ida,
ngiring ja umedek
Ring sane mebasang raga
tur nyumbah, nyumbah Ida
Sang Ratu Yesus
4.
Saking klod kaja kangin kauh
manusa ring jagat
Ne nampi paswecan Ida
manyumbah, nyumbah Ida
Sang Ratu Yesus
5.
Pasamuan maka sami,
ring masa wekasan
Nunggil ring ayun Idane
manyumbah, nyumbah Ida
Sang Ratu Yesus