1. Tõngõni Yesu So’aya, ba kabu Gezemane.
Me mangalulu tou Ia, ba wangandrõ khõ nama.
Na so khõ-U lala he ama, bõi Utõrõ bõi alua, wanguhuku ba rõfa.
Bõi somasido itõrõ, ya alua zomasi’õ fefu li-Mõ u’o’õ.
2. Tõgõni Yesu So’aya, sabu-tõdõ wangandrõ.
Me tehare’õ khõ Nia fefu ngawalõ horõ.
Ilu’i fefu horõda falõ alua tatema wõnu Lowalangida
Alua mbõbõi Zo’aya, do si’otarai mboto-Nia.
Mowõi-wõi tou ba danõ.
3. Tõngõni Yesu So’aya, me no lara’u Ia.
La’ohe fõna zalawa, latandrawaisi Ia.
Ba lafalali nahia, oi lafakao la’o’aya, la fabozi’õ Ia.
Itaõgõ fefu Itaha, he oi mangele ndro Nia lõ hede hede Nia.
4. Tõngõni Yesu So’aya ba hili Gologata.
Me no aetu huku Nia, ba la’osõ ba rõfa.
He wa’ae lõ nisõndrara, horõ awõ golalõwa, ba no lahuku Ia.
Fefu da’õ no itaõgõ, fatobali samatõrõ si lõ tebulõ bulõ.
5. Tõngõni Yesu So’aya, aetu noso ba rõfa.
Mangandrõ salahi niha, samorõfa ya’ia.
He ama be aefa khõra, me lõ la’ila nilaura, bõi be’e fo’õmõra.
Da’õ wa’omasi Nia, õmõda fefu Ibua’a fa’auri Ibe khõda.
6. Tõngõni Yesu So’aya, sangomasi’õ niha.
Simate yawa ba rõfa, tobali salahida.
Sulõ wa’omasi Nia, la faogõ ba zango’aya, hulõ zo’olalõwa.
Khõda fefu manandrõsa, nitaõgõ Yesu So’aya.
Ba wolo’õ li-nama.