1. He todogu foso’õ, ba tõngõni nilau Yesu.
Itehe mate Ia, wangorifi niha fefu.
U hatõ’õdo khõnia, me si lõ farõi-rõi Ia.
2. Ono Lowalangida, ni’osõ yawa ba rõfa.
Doi labe’e takula, no lalau na wango’aya.
Khõda mbõrõ zokho Nia, awõ wa terasa Ia.
3. Ya’ia ni’otu’õ, si lõ aetu lõ mamalõ.
Ya’ia nifofanõ si tebai auri ena’õ.
Ba Yesu zolu’i huku, afu aefa ita fefu.
4. Fõnu Lowalangida, khõ Yesu no manandrõsa.
Ya’ia zamalua, folo’õ oroisa nama.
Ilu’i fefu horõda, mate Ia salahida.
5. Lo sulõ soroi khõda, fefu wa’omasinia.
Tobali femõnada, wangomasi’o Ya’ia.
Okhõta ba fa’aurida, talulu sumange-Nia.
6. He Yesu sangorifi, ba danga-U matou’õga.
Me tana khõ-U ndra’aga, tolo afu lõ farõiga.
Me Ya’ugõ matõngõni, khõ-U auriga, khõ-U matega.