1. Bõi tebato wanunogu Lowalangi So’aya .
Fa’auri ba si so khõgu ya oi sumange Nia.
Ha sambalõ fa’omasi ba fa’ebua dõdõ.
Mbuala Lowalangi, ba zamati sanau õlõ.
Lõ farõi-rõi Zo’aya, he adudu danõda.
2. No tõra moroi khõ nina wendoro ono nia.
Wamaeri Yesu So’aya ya’o tana khõnia.
Me omasi Lowalangi na auri gõi nda’odo.
Andõ wa no Ikaoni afu u’o’õ Keriso.
Lõ farõi-rõi Zo’aya he adudu danõda.
3. I fatenge nono Nia, Ama Lowalangigu.
I tehe nibunu Ia, si mõi fangorifigu.
He tõdõgu lau anunõ bõi olifu nda’ugõ.
Angalulu khõ Yesu me sangorifi ya’ugõ.
Lõ farõi-rõi Zo’aya he adudu danõda.
4. No Ibe Geheha Nia samatõrõ tõdõgu.
Awõ daromali Nia wa mohaga lalagu.
Sangaro’õ famatigu sondou’õ fanõtõna.
Solawa emaligu ba ginõtõ watelesa.
Lõ farõi-rõi Zo’aya he adudu danõda.
5. Irorogõ gõi ndra’odo ibõnõkhi zoguna.
He na mofõkhõ nda’odo lõ irõido So’aya.
Ba wofanõ Ilumõ’õ fa lõ gõna te’ala.
Ifasugi ba dõdõ wanuno-nuno Ya’ia.
Lõ farõi-rõi Zo’aya he adudu danõda.
6. He So’aya amõlido wanõrõ ulidanõ.
Fa lõ te’ala nda’odo, me oya wanandaigõ.
Bõi famalõ amenesi nda’odo na elungu.
Efa’õdo ba horõ, si no emali dõdõgu.
Rorogõdo So’aya irugi gamozua.