1. No mõi Yesu tou ba gulidanõ, ba wolo’õ li Yehowa.
No somasi ba nonilau dõdõ, Lowalangida Yehowa.
Ena’õ te’orifi dozi samati, ba lasõndra wangorifi.
2. No Itutuyu ndra nifaha’õ, ba wanohugõ halõwõ.
Ifaha’õ ira ba wamati, lala wanõndra fa’auri.
Ibe khõra duria somuso dõdõ, ba wanema fangatulõ.
3. Oya dandra si no ifalua, wangoroma fa’abõlõ.
Si’otarai zorugo siyawa, fa’abõlõ soroi nama.
Ifadõhõ wõkhõ, ba wangefa’õ, sitefakao bõrõ horõ.
4. He So’aya mangandrõ ndra’aga, a’aro’õ wamatima.
Efa’õ khõma ngawalõ horõ, samakiko fa’aurima.
Bõi tehegõ te’ala, omusoi’õ dõdõ, wogamõ sahono dõdõ.
5. Yesu Ibe’e goroisa Nia, wangomasi’õ Yehowa.
He gõi fangomasi’õ awõda, samati ba khõ Zo’aya.
Ma’andrõ khõ-U So’aya,sasai dõdõma, do-Mõ sangele ba rõfa.
6. He ya’ita banua Zo’aya, da talulu wa’aurida.
Tabe nihaogõ Yesu So’aya, afu mõi sumange Nia.
Ena’õ dozi ita tasõndra wa’auri, si’oroi khõ Lowalangi.