1. No ae numalõ zui zi dõfi, hulõ zahani mbongigu.
Lalagu ufuli ufaigi, hewisa gamuatagu.
Hadia sitedou wamati, awõ wanõtõnagu gõi.
Fa’omasigu khõ Zo’aya, awõ dalifusõgu gõi.
2. Na Isekhegõ ndra’o Yesu, ha uwa’õ wanema li.
Me no fahõna golalõwa, ba oya wangosiwawõi.
No’u’o’õ nikhoi dõdõgu si mõi fangala nosogu.
Fefu manõ ndroto-ndrotogu no oya sa zi lõ faudu.
3. Na no matedo ba zilalõ, fatua sawuyu horõ.
Na lõ ebolo dõdõ Yesu si no mangefa’õ horõ.
U’ila wa no fõnu nama zombaloi ya’odo sa’ae.
Me Ihõli ndra’o So’aya wa’aurido na iya’e.
4. Tebai utaha wanutunõ horõ si no ufalua.
Barõ ndrõfi si no numalõ duhu oya golalõwa.
Andrõ wa mangesa dõdõgu ba horõgu sifahõna.
Bologõ dõdõ-U khõgu Yesu tema ndra’odo So’aya.
5. Fa’aurigu ba ziso Fõna ululu, sa’ae khõ-U Yesu.
Fatõrõdo ba zomasi’õ, ya khõ-U manõ wa’aurigu.
Ya õfaulugõ wamohouni, fefu wa’aurigu andrõ.
Afu Ya’ugõ utõngõni, me no Ya’ugõ zawatõ.
6. Bõi bõhõli ndra’aga Yesu, gõtõ wekoli ba danõ.
Me no tobini lua-lua, dõrõwa ero ma’õkhõ.
Eheha-Mõ be samatõrõ, era’erama, tõdõ gõi.
Same khõma fa’anau gõlõ, ba sangaro’õ famati.