1. No omuso sa dõdõda, watolosa Zo’aya.
Irorogõ wa’aurida, fao awõ si so khõda.
He fahõna wangala, no Itimba So’aya.
Ba ndrõfi si no numalõ, da ta’andrõ saohagõlõ.
2. Fa’omasi soroi Yesu, duhu tebai musu’a.
Natazara-zara fefu, lõ mutaha wangerai.
Fefu zoguna khõda oi nibe’e Zo’aya.
Bõi olifu-lifu ita, wa’ebua dõdõ-Nia.
3. Da matunõ khõ-U So’aya, fefu ngawalõ zala.
Situmbu ba gera’era, he gõi salua baeha.
Oya golalõwama, si no tobini khõma.
Ya Ofangesa dõdõma, ba be’e aefa horõma.
4. He Yesu tolo ndra’aga, fa’abõlõ Geheha.
Nõnõ khõma wa’omasi, famati, fanõtõna.
Sango’ou tõdõmana, wanga’i halõwõma.
Si no Itehegõ ama, ba halõwõ zamõsana.
5. No abua halõwõma, ba nowi-Mõ So’aya.
Lõ ma’ila mababaya, na ha fa’abõlõma.
Ya watõrõ dõdõma, Eheha soroi nama.
Be mofozu halõwõma, irugi ba gamozua.