1. Da tasuno Zo’aya, Razo fondrege zalawa.
Me sahõli dõdõda, zi no oi falukha ita.
Auri ita fefu na, bõrõ Yesu So’aya.
2. No fa’omasi nia fefu zifalukha ita.
Ba zi dõfi fa’ara no ebua dõdõ-Nia.
Irorogõ ita gõi afu auri lõ farõi.
3. He no oya wamakao sangalani fa’aurida.
Me so Yesu nawõ fao andrõ wa ebai te’ala.
Ya omuso dõdõda ya aro wamatida.
4. Bõi tabusi dõdõda, me no so Yesu awõda.
Sanuturu lalada, afu lõ te’ala ita.
No Ifabu’u khõda tatõngõni li-Nia.