Fefu gomasi’õ dõdõ, oi nirõi nierogõ
Lõ moguna lõ mo’õlõ, na murõi gulidanõ
Fefu gokhõta ba danõ, fefu gõi girõ-grõ
Sitaya lõ anau gõlõ, ha gõtõ me abõlõ
He fo’omo omasi’õ, he ono hunõ dõdõ
Oi fabali na inõtõ, na so wogaoni Zokhõ
Hulõ tohare zanagõ, we’aso Zangatulõ
Andrõ bõi arõrõ dõdõ ba nõsi gulidanõ
Mõi Yesu baguldanõ, tabali sangefa’õ
Fa’amate no Itõrõ, famakao no Itaõgõ
Ba wolohe fa’atulõ ba wohagaini tõdõ
Ya oi so wangesa dõdõ, okhõgõ wa’atulõ
Haogõ angeragõ tõdõ mbua-bua silalõ
Fa lõ faniasa dõdõ, bõrõ wangosatulõ
Na tohare zangatulõ, lõ u’ila ginõtõ
Andrõ bõi õtõ ginõtõ, oigõ wangesa dõdõ
Ya’ahowu zanau’õlõ, samati ba solo’õ
Safõnu fanaha tõdõ, sangomasi’õ awõ
Sorugo no tehõnagõ, naha zatulõ tõdõ
Urakha si lõ mamalõ, amabu’ula Zokhõ