1. No amaedola geu saõndrõ, dõdõ niha gulidanõ.
Ba zaolo ia ba da’õ aõndrõ, ba gaõndrõma aso’a nala’obõ.
He latuwuni ena’õ, aoloma nia ilangõgõ.
Manõ niha sitandrofõ, si lõ famati ba dõdõ.
2. Sabe’e tõdõ wolo’õ, latõrõ lala sakiwõ.
Oya sibai gisõ-isõ dõdõ,ba wolohi lakhõmi gulidanõ.
He mufaolo he mufaõndrõ, duana tobali adõlõ.
Hulõ sibai mbulu dalõ, he mudiloi lõ abasõ.
3. Dozi samati solo’õ, sokhõ fa’atulõ dõdõ.
Sorugo khõra khamõtõ dõdõ, he agafõkhõ lala wanõrõ.
He abõlõ zanandraigõ, samõkõnai, sanondrõgõ.
Wamazuzugõ sanuwõ, Yesu zame fa’abõlõ.
4. Dozi somasi mogamõ, fa’auri si lõ tebulõ.
Tanõmõ zi ra’iõ ba dõdõ, bõi fowa’a, ia bõi folewiõ.
Gõsõ bulagõ fofanõ õse’e ia, õ tayaigõ.
A’aro’õ wamatimõ, afu õrugi zawatõ.
5. So nahia nihõnagõ, na atua gulidnõ.
Sorugo naha si no muhaogõ, nahia zamati satulõ tõdõ.
So gõi narako alitõ, nahia niha sokhõ horõ.
Halõ gangetula dõdõ, khamõtõ si lõ tebulõ.