1. Hana lõ sõkhi-sõkhi dõdõgu,
Me no arõu nda’o bangai Yesu.
Tosasa dõdõgu ba horõgu,
Ba andõ mangarõ-ngarõ dõdõgu.
2. Alai ndra’o zambõ famati,
Si no arõrõ wamaigi-maigi.
Hulõ sibai gadaya wakhe si so ba nowi,
Sihombo hombo na ilau angi.
3. Hiza Gaberahamo samati,
So sa khõnia nono Iza’aki.
Lõ khõnia fa’alimagõ itaba mbagi,
Ibe suma nge khõ Lowalangi.
4. No i’ila sa’ae Lowalangi,
Dõdõ Gaberahamo samati.
Lõ tetaba mbagi nono nia Iza’aki,
Ibe’e mbiri-biri fogati.
5. Dozi samati khõ Lowalangi,
Lõ mangiwa dõdõ ba wa’auri.
Me no faduhu dõdõda ba khõ Lowalangi,
Tatõtõna Ibe wangorifi.
6. Yesu zi no Ibe’e salahi,
Ba wangorifi dozi samati.
Andrõ da talulu khõ Yesu ba wamohouni,
Fa’aurida afu te’orifi.