Ba wekoli ba gulidanõ, mongawalõ wondrõrõ dõdõ
Wa’oya gõi womba’a-mba’agõ ba wogamõ ohitõ dõdõ
Ondrasi Yesu, lau angandrõ, tutunõ fefu gabula-dõdõ
Andrõ watolosa fangabõlõ, ba lala wondrugi khamõtõ
Fehede Yesu zangoroi’õ, Ifanema dozi sangandrõ
Ba niha samati ba solo’õ, Ibe’e wa omuso dõdõ
Okhõgõ wa’atulõ dõdõ, rõi sa’ae ngawalõ zira’iõ
Da’e mbawa, bõi õtõ ginõtõ, wama lua fangesa dõdõ
Bõi gohi hõngõ gulidanõ, he bosi, lakhõmi he fokhõ
Oi taya tenga si ogõtõ’õ, ha irugi mbewe lewatõ
Bõi angirõ bagulidanõ, ni’a hama, nikharu zanagõ
Ba zorugo hõna girõ-girõ, si lõ taya si lõ mamalõ
Na irugi bawa inõtõ, mangawuli Zo’aya Sokhõ
Ikaoni fefu wanema sulõ, ifõfõ’õ zatulõ tõdõ
Ba narako mõi zi so horõ, ba zorugo mõi zatulõ tõdõ
Erunisi angeragõ tõdõ, he zi sõkhi naha nikhamõ