1. He iraono he satua, tafaondragõ mesia.
Hiza mõi bagulidanõ nono Lowalangida.
Ya simaoso tõdõ ita, wanema’õ ya’ia.
Tõdõda fao era’era, tabe sumange nia.
2. He ya’ita zamõsana, bõi abe’e dõdõda.
Duhu wa no mõi ba khõda, zangorifi ya’ita.
Bõi olifu-lifu ita, wa’omasi Zo’aya.
Tafonaha ba dõdõda, fa te’orifi ita.
3. Da tabe nihaogõ Yesu, gera-era dõdõda.
Ta’ombakha’õ horõda simõi fanguhukuda.
Da ta’ogorofi horõ ba fefu golalõwa.
Me da’õ zumange nia, wanema’õ ya’ita.
4. Na no tatema’õ Yesu, oi omuso dõdõda.
Me ya’ia khõda haga, sohagaini tõdõda.
Ituturu khõda lala, saekhu ba zi so ama.
Nahia so’ahonoa ba zorugo siyawa.