1. Amaedola zikoli, wa’auri ba danõ.
Wa’oya wanandraigõ, si mõi fomb’agõ.
Ya mangelama ita, ba ngawalõ horõ.
Bõi tobali fanaisi, wogamõ sawatõ.
2. Hulõ sibai zahani, welalõ mbongida.
Fulõi lõ mangawuli, taya lõ oroma.
Da tafa’anõ dõdõ bõi arõrõ ita.
Lõ tadõna-dõna na tohare Ia.
3. Ta’erõnusi tõdõ, lala wa’aurida.
Wa no sarõrõ ita, ba gisõ’isõda.
Tahalõ gangetula, wolo’õ So’aya.
Me Ya’ia gubalo, sanuturu lala.
446. IBASE’Õ BANUA-Mõ
1. Ibase’õ banua-Mõ, wangawuliu So’aya.
Gasa-gasa we’aso-Mõ, ma fa’anõ dõdõma.
Ya’õfaondragõ ndra’aga, na tohare’õ dania.
Omusoi’õ dõdõma, omusoi’õ dõdõma.
2. A’aro’õ wamatima, faulugõ wanõtõna.
Fabõi elungu ndra’aga, wango’ozui lalama.
Bõi tebulõ faha’õga, be khõma haga geheha.
Wogamõ sawatõma, wogamõ sawatõma.
3. Gasa-gasa wekolima ya mangesa dõdõma.
Marõi dõdõ sitohõna, simõi bõrõ wangala.
Ma’andrõ khõu he So’aya, faulugõ haogõ dõdõma.
Ba fakamõ’õ khõma naha, ba zi so ama.