1. To’ele khõgu dadaoma Zo’aya, Ifa’ele’õ taromali Nia.
Humulu dõdõ mõido khõ-Nia, Afu u’ila lakhõmi nama.
2. Fasaodo Yesu wanõrõ lalagu, Abõlõ’õdo eheha sindruhu.
Fahaõ ndra’odo fa lõ elungu, Haogõ dõdõgu heta zinegu.
3. Aro dõdõgu, wa tola ukhamõ, golombasewa nifabu’u nama.
Bõrõ keriso sahakhõ tõdõ, sangomasi’õ tana khõ-Nia.
4. Sahõli tõdõ sa zondrugi da’õ, me oi fa’ila zalukhõ fakhamõ.
Ahono dõdõ zi no mogamõ, lakhõmi nama si lõ tebulõ.
5. Terara dõdõ awai watelesa, manunõ ira lasuno Yehowa.
Fatalifusõ zi no falukha, me fa’omasi wamobõrõta.
6. Omuso dõdõ, lõ mamalõ-malõ, me fangatulõ no dozi latema.
Ba no tobali ni’amoni’õ, ni’omasi’õ Yesu So’aya.