So wolombase na fõnada, na no a’ozu dõrõwa
Na anau gõlõda wanga’ida, halõwõ nibe Zo’aya
Maulu wa’ohahau dõdõda, me molombase sa dania, fefu noroda aheta
Andrõ ha Keriso So’aya, nitõngõnida sawatõda Ya’ia gumbu aurifa
Me lõ nasa situmbu ita, no Ifabu’u li-Nia.
Wa so fõnada wolombase, khamõtõ ba zi so ama.
Andrõ da ta’o’õ li-Nia, he auri, he na mate ita, Ya’ia wangorifida.
Andrõ talulu wa’aurida, nifatõrõ Yesu So’aya, wogamõ so’ahonoa.
Me no serege tõdõ ita, wamalua fasõndrata.
Ta’ondrasi Yesu So’aya, samolombase ya’ita.
Me no tana khõ-Nia ita, Ibe ndro-Nia salahida, ono Lowalangi dõida.
Andrõ ya faduhu dõdõda, Keriso solohe ya’ita, ba naha so’ahonoa.
Ha Yesu zanolo ya’ita, wanga’aro’õ famatida.
He wa’ae fahõna nududa, sangalani fa’aurida.
Ha khõ Yesu mangandrõ ita, ba ngawalõ safõkhõkhõda, ha ya’ia zamolala
Andrõ ya bõi olifu ita, wa no mate Yesu ba rõfa, ba wangorifi ya’ita
Na no tofõfõ halõwõda, niwa’õ Yesu So’aya.
Na satulõ wasõndratada, tola tasõndra wemõna.
Duhu so wondrara dõdõda, na tarugi ba zi so ama, ba naha so’ahonoa.
Somuso tõdõ fefu ita, lõ sa’ae fangarõ-ngarõda me no khõ nama so ita.