1. He samati khõ Zo’aya, ya ta’erõnu tõdõda zawatõ wa’aurida.
Ha Yesu zindruhu lala, sangorifi fefu niha, same aefa horõda.
Tafati tola tatema, na no ta’o’õ li Nia.
2. Duhu wa’oya gakaola, ba wolo’õda li nama, sagõtõ fa’aurida.
Andrõ ta’ondrasi haga si’oroi Lowalangida, umbu wangorifida.
Da tafa’anõ dõdõda, ta’aro’õ wamatida.
3. Dozi niha sango’aya, sangaohasi ba dõdõra, fa’omasi Zo’aya.
Sanguwa’õ lõ moguna, wamohouni era’era, si’otarai geheha.
Fa’amate si lõ aetu, da’õ luora dania.
4. Lõ molala gangandrõwa, na inõtõ wa’alua, wangawuli Zo’ya.
Lõ tebulõ wa latema, zulõ ngawalõ nialura, isõ-isõ dõdõra.
Fangarõ-ngarõ luora, sifao fatangisa mboha.
5. Da tafahela tõdõda, ba wanga’i angetula, heza zomasi ita.
Eheha si’oroi nama, zame khõda fangi’ila, ba wangerai bongida.
Sangatulõ’õ tõdõda, sangehao era’erada.
6. Ba namengesa dõdõda, ba horõ fefu nilauda, tasõndra gõi wangefa.
Yesu zolohe ya’ita, wefao ba lakhõmi nama, fa’auri no fahõna.
Da ta’andrõ khõ Zo’aya, ya Ibe anau gõlõda.
7. Da nta’alui wa’atulõ ni’oroi’õ Yesu andrõ sandrohu fa’aurida.
Me lõ ta’ila ginõtõ na tohare zangatulõ wangai tana khõ-Nia.
Na no tafa’anõ ita, fa’auri Nia tatema.