1. Hewisa ita ba hewisa dõdõ, na si no mõna ita dania.
Ba wasõndrata tou andre ba danõ, na no sa’ae khõ Yesu so ita.
Na no sa aefa wa’erege dõdõ, lõ gõna ita famakao sa’ae.
I’ila hõrõda zomasi ita, naha solakhõmi si so ama.
2. Ha wa’abõlõ wa’omuso dõdõ, na no takhamõ lakhõmi nama.
Me no oi numalõ gabula dõdõ, sanaisi ya’ita ba lalada.
Oi larugi naha sawatõ dõdõ olombasewa so’ahonoa.
I’ila hõrõda Yesu So’aya, same fa’auri so’ahonoa.
3. Ha wa’ebua wa’omuso dõdõ, na no takhamõ lakhõmi nama.
Oi tohare mala’ika ngahõnõ, mõi ita wamaondragõ Ya’ita.
Lalau zinuno fa’omuso dõdõ, fanuno Lowalangi Yehowa.
Lafolakhõmi Yehowa ngahõnõ, sebua fa’omasi ba niha.
4. Ha wa’asõkhi naha nirugida, si no Ihaogõ Yesu So’aya.
Ibe’e buala ba zanau õlõ, dozi simõna ba watelesa.
Nitolo geheha ni’amoni’õ, wanõrõ lala somasi nama.
Ha fa’omasi fa’omuso dõdõ, nitemada khõ Yesu So’aya.