1. No Ifabu’u So’aya, lakhõmi so’ahonoa, ba zamati khõ-Nia,
So wa’omuso dõdõda, na tarugi zi so ama, sawatõ wa’aurida.
Andrõ da ta’o’õ Ia, afu a’ozu tatema.
2. He asese tosasa, he oya zimõi akaola sagõtõ fekolida.
Da’õ wondrara dõdõda fangabõlõda ba lala niwa’õ Yesu khõda.
I’osi fefu dania, dawa hõrõ ba hõrõda.
3. Yesu no Ifahowu’õ ha zolofo fa’atulo awõ zowõkhi tõdõ.
Ya’ira ni’abusoi’õ khõra mubõnõkhi manõ oi so wondrara dõdõ.
Bõi tabõhõi zangatulõ, umbu wa’omuso dõdõ.
4. Fefu oi Ifahowu’õ, zokhõ fa’atulõ dõdõ, sanogmasi’õ awõ.
He gõi sinumana tõdõ, nigohi zafõkhõ tõdõ, i’omusoi’õ dõdõ.
Okhõgõ wanaha tõdõ, ba bõi famalõ wangandrõ.
5. Ato ndra talifusõda sangomasi’õ sitaya lõ lafonaha haga.
He boto, he gõi tõdõra okhõta fao era’era lõ mõi sumange nama.
Ba wa’abe’e dõdõra, lõ te’orifi nosora.
6. Tatõtõna watolosa, Geheha si’oroi nama, ba wanõrõ lalada.
Sangabõlõ’õ ya’ita sanga’aro’õ tõdõda afu anau gõlõda.
Ha sambalõ wa tatema, wa’auri so’ahonoa.