1. Humulu sibai dõdõgu, we’amõi khõ Zo’aya.
Khõ-Nia so wa’aduhu, fa’auri si lõ taya.
Igohi tõdõgu wondrugi si so ama.
Me da’õ khamõtõgu, naha so’ahonoa.
2. He na saõsõ wofanõgu, ba wondrõi ulidanõ.
Yesu zawatõ dõdõgu, so’ahonoa dõdõ.
Omuso dõdõgu, wondrugi khamõtõgu.
Fa’ohahau dõdõgu, si lõ mamalõ-malõ.
3. Si lõ famaedo ba danõ, zifalukha ba da’õ.
So khõgu wehulu dõdõ, irege no ukhaõ.
Ugohi zawatõ, si lõ tebulõ.
Lõ’õ fa’abu dõdõ, maulu omuso dõdõ.
4. Lõ manõ ufatou tõdõ, harato gulidanõ.
He gõi omasi’õ dõdõ, lõ fao khõgu sa’atõ.
U’oigõ dõdõgu, wolohi fa’atulõ.
Lalagu ba wogamõ, naha sohahau dõdõ.
5. U’osambalõ’õ dõdõ, wamalua satulõ.
Utaõgõ he agafõkhõ, he oya wanandraigõ.
Ufati u’o’õ, fefu niwa’õ zokhõ.
Me dozi sanau õlõ, lakahamõ dõtõnafõ.