1. Sikoli ndra’o ba danõ, ba we’amõi ba zawatõ,
Naha so’ahonoa dõdõ.
Na no urugi, ukhamõ, zi so razo, wa’atulõ,
Khõ-Nia, faodo lõ mamalõ.
Oi so wa’omuso dõdõ, lõ khõgu fangarõ ngarõ.
2. Si lõ ara wekoligu, si lõ anau nosogu,
Lõ udõna-dõna na aetu.
Andrõ humulu dõdõgu, ba wogamõ si so Yesu,
Me no i’efa’õ horõgu.
No Ihaogõ wa’aurigu, Eheha soroi Yesu.
3. No safõkhõ wekoligu bõrõ wa oya nudugu,
Si maoso-maoso ba dõdõgu.
Ha sa fa’omasi-U Yesu, wa lõ te’ala elungu,
He no ahatõ zamaelungu,
Me Ya’ugõ zi fao khõgu, andrõ omuso dõdõgu.
4. He Yesu Razo sindruhu ama solomasi khõgu,
Fa’auri-Mõ be fa’aurigu,
Eheha-Mõ be’e khõgu fa’ ukhamõ zawatõgu,
Ba a’aro’õ wamatigu,
Fa tola urugi wozu, ba naha nihaogõ Yesu.
5. Me lõ sangila inõtõ we’so-Mõ samuzatõ,
Lõ atagedo wombase’õ.
Utõtõna fao ndra’o khõu, ba naha sahono dõdõ,
Na no inõtõ wogaoni-Mõ.
Na maoso, urõi lewatõ, ono-U ndra’o lõ mamalõ.