1. He So’aya tolo dalifusõma, no mofõkhõ tefakao mboto nia.
Fondrondrongo ganga ndrõwa dõdõma, abõlõ’õ tolo So’aya.
2. He So’aya tolo dalifusõma, lõ sanolo baero Ndra’ugõ ama.
Faigi ia folala dõdõ nia, abõlõ’õ tolo So’aya.
3. He So’aya tolo dalifusõma, ba tayaigõ wõkhõ ba mboto nia.
Tufa tangau ba fahowu’õ ia, abõlõ’õ tolo he So’aya.
4. He So’aya tolo dalifusõma, a’aro’õ wamati fanõtõna.
Ba tayaigõ wangiwa dõdõ nia, abõlõ’õ tolo he So’aya.
5. He So’aya tolo dalifusõma, rara dõdõ be’e wanaha tõdõ.
Bõi mukõkõ ba bõi so wanahigõ, abõlõ’õ tolo he So’aya.
6. He So’aya tolo dalifusõma, ba fefu gõi ndra soroi-yomo nia.
A’aro’õ wamati ba dõdõra, abõlõ’õ tolo he So’aya.
404. NO OWULOGA BA DÕI-Mõ AMA
1. No owuloga ba dõi-Mõ ama, ma’andrõ khõu fahowu’õga.
Fefu ndra’aga si no owulo, sanõtõna khõ Zo’aya.
2. No sabu sibai tõdõ ndra’aga, ba zigõna talifusõma.
Ba zagafõkhõ nitaõgõ nia, lõ fanolo soroi khõma.
3. Ma’andrõ be’e howu-howu-Mõ, ba wanayaigõ fa’afõkhõ.
Irege tola so wa’abõlõ. Aefa ba wangarõ-ngarõ.
4. Mafati li Mõ si no õwa’õ, wa õtolo zangarõ-ngrõ.
Aro’õ dõdõ tõtõnafõ, wa Ya’ugõ zamadõhõ.