1. Ma’iki ba wamasi zi no mohlõwõ.
He iraono he satua omuso dõdõ.
Oi taya wa’erege dõdõ ba zi lalõ.
Me labasi mbua zinanõ si no latanõ.
2. Tenga zaya-zaya gõlõda ba wanaõgõ.
Fa’erege dõdõ ba wananõ sinanõ.
Iada’a ma’iki ita omuso dõdõda.
Wamasi bua nia, howu-howu Zo’aya.
3. Fefu nibasida bua wa’erege dõdõ,
So õsa gadaya, tenga ha õsi manõ.
Bõ so waniasa ba bõi mukõkõ-kõkõ.
Tema ba bõi timba fao fa’muso dõdõ.
4. Tafi’õ gadaya tõrini zi hohomõ.
Ouwuloi zi sõkhi, õsinia ozaragõ.
Me daõ zoguna khõda bongi ma’õkhõ.
Manohu fekoli ba gulidanõ.
5. No anehe nama fefu zoguna khõda.
Sinangea tatema sagõtõ fa’aurida.
Oi Ibe’e khõda lõ manõ mo’ambõta.
Me Ya’ia zamaeri sondrorogõ ya’ita.
6. Bõi olifu ita wangandrõ saohagõlõ.
Howu howu nitemada nibe Zokhõ.
He ba noso he ba mboto he ba halõwõ.
Tafuli sumange Nia soroi dõdõ.