Oi somuso tõdõ ita ba zi ma’õkhõ da’a.
Wamalua halõwõ ba zi darua niha.
Me halõwõ wongambatõ, no oroisa Zo’aya.
No Ibe’e geheha, sangosara tõdõda.
Fefu zo’ambõta ita, ba ngawalõ zoguna.
No Ibõnõkhi So’aya, he si lõ nia’andrõta.
He So’aya bõi bulõ’õ, wa’omasi-Mõ khõma.
Aro’õ wamatima fa’abõlõ geheha.
Mangandrõga khõu So’aya, salahi zidarua.
Samasindro fongambatõ, ba dõi Yesu So’aya.
Õfaogõ gera’erama, sagõtõ fa’aurima.
Ya eheha Zo’aya, zamatõrõ tõdõra.
Imane Yesu So’aya, ba daromali Nia.
Tebai ifabali niha, nifabõbõ Zo’aya.
Me si hasambua boto, ira fõna Zo’aya.
Ya hasara dõdõra, wamati khõ Zo’aya.
He ya’ami talifusõ, nifabõbõ Zo’aya.
Mirorogõ wongambatõ, bõi alua wa’udusa.
Mifalua wa’omasi, ni’roi’õ Zo’aya.
Yamõi sumange nama, irugi gamozua.
Lõ mamalõ mangandrõga khõu Lowalangi ama.
Fabali sa’ae ndra’aga, Ya’ugõ fao awõma.
No mofozu halõwõma, wamalua falõwa.
Saohagõlõu So’aya, fahowu’õ ndra’aga.