1. No mofozu wekolida, ma’õkhõ da’a.
Me no irorogõ ita Lowalangida.
Itimba wangala samakiko nosoda.
Ibe’e fefu ngawalõ zoguna khõda.
2. Ta andrõ saohagõlõ, Lowalangi ama.
Buala si no tatema, ma’õkhõ da’a.
Da tasuno Ia soroi dõdõa.
Boto ba nosoda, tabe sumange Nia.
3. No tarugi zui zibongi si so ya’ita.
Inõtõ si no i’a’asogõ So’aya.
Ba wolombase boto si no marase.
Ba wangohahu’õ tõdõ si no atage.
4. Talulu ita amatõrõwa Zo’aya.
Sagõtõ femõrõda ba zibongi da’a.
He no fasui ita udu ba sama’ala.
Lõ ata’u ita me Yesu gubaloda.
5. Tatõtõna khõ Zo’aya Lowalangida.
Isusugi ita mahemolu mbanua.
Ba wogamõ haga, ni’a’asogõ Nia.
Wangai halõwõ, famolakhõmi Yehowa.