1. Yesu sangorifi, mangandrõga khõu.
Me lõ sifarõi’õ, khõma ma’õkhõ.
No õfa’ele’õ, wa’omasi-Mõ.
Omuso dõdõma, wamatõrõ-Mõ.
2. Lõ õroiga Yesu, ma’õ-ma’õkhõ.
Tõrõwa lalama, oi anehe’õ.
No õbe zoguna, õfahowu’õ.
Me no khõu ndra’aga, samati khõ-Mõ.
3. Omuso dõdõma, Yesu So’aya.
Me no oi ma’ila, niwõwõi nama.
He daso, he hili, awõ gatua.
Luo, bawa, dõfi, same’e haga.
4. No oya lalõma, ba zi ma’õkhõ.
Ma’ndrõ khõu Yesu, bologõ dõdõ.
Be aefa horõma, sasai ba ndro-Mõ.
Bõi teba’a khõma, howu-howu-Mõ.
5. Rorogõ ndra’aga, ba wemõrõma.
Me lõ oi ma’ila, zi mõi fangala.
Aro’õ wamati, ba fanõtõna.
Wa lõ baero Yesu, we’e-we’ema.
6. Simõrõ ndra’aga, ba mbongi da’a.
Timba zangalani, si fasui khõma.
Folombase mboto, he era’era.
Ba fasaoga mehemolu mbanua.