1. Da manunõ ita, fefu ba da’a.
Tasuno Zo’aya, sendroro khõda.
2. Da tatou’õ ita, ba danga-Nia.
Ba wolombaseda, ba mbongi da’a.
3. Ya itimba khõda, fefu de’ala.
Ya’ohahau dõdõ, ba wõmõrõda.
4. Ta’andrõ wangefa, horõ nilauda.
Fangisõ dõdõda, si mõi fangala.
5. Da tadõna-dõna, wangorifida.
Si’oroi Zo’aya, lowolangida.
6. Ma’andrõ khõu Yesu, aohasi gõlõ.
Wa’omasiu khõma, si lõ mamalõ.
7. Tologa So’aya, anau’õ gõlõ.
Ba wogamõ haga, ni asogõ-Mõ.