1. He Lowalangi ama, masuno Ndra’ugõ.
Me no õrorogõga, sagõtõ femõrõ.
Ma’andrõ saohagõlõ, khõu Soa’aya Sokhõ.
Lõ manõ khõma sulõ, ba wa’omasi-Mõ.
2. Da matou’õ ndra’aga, ba dangau So’aya.
Õrorogõ ndra’aga, wanõrõ lalama.
Ya’ugõ gubaloma, sanuturu lala.
He na ba nomo soga, ba lala dõrõwa.
3. Ya’ugõ zondrorogõ, ya’aga ma’õkhõ.
Fahowu’õ ndra’aga, be’e wa’abõlõ.
Tebai ndra’aga Yesu, na ya’aga manõ.
Ha ya’ugõ nawõma, ama sondrorogõ.
4. Farou dõdõma Yesu, wanuno ya’ugõ.
Bõi sarõrõ ndra’ga, ba gomasiõ dõdõ.
Tolo ndra’aga Yesu, be wa’anau-gõlõ.
Wolulu fa’aurima, amatõrõwamõ.