1. Inõtõ si so ita iada’a, inõtõ wamaondragõ Mesia.
Si no ono Lowalangi ama, Ya’ia Keriso So’aya.
Nifatenge Lowalangida, situmbu ba Mbetilekhema.
No Itaõgõ wa’anumana, numana Ia.
2. He Lowalangi ama, ha Ya’ugõ nidõna-dõnama.
Sangefa’õ ba danga gafõkha, Ya’ugõ zangorifi ya’aga.
Me lõ samolala tõdõma, ba horõma si no fahõna.
Õfatenge Yesu So’aya same fangefa.
3. Saohagõlõ-U he So’aya, me mõi’õ tou ba gulidanõma.
Ba wamalua oroisa Nama, wa mõi’õ wangõhõli ya’aga.
Na ma’era-era tõdõma, wa õtehe tobali niha.
Bõrõ wa’omasiu ndra’aga, Õ’orifiga.
4. Da ma’andrõ ehaogõ dõdõma, ba wamaondragõ Yesu So’aya.
Ma’ila wa sitebai ndra’aga, na lõ õtolo sifao Eheha.
Ena’õ monahia Zo’aya, we’amõi bakha ba dõdõma.
Tõdõma amaedola luha, nahia Zo’aya.