1. Yesu salawa wa’auri sanolo, õfemõnado fa’omasi-Mõ.
Me no fahõna gabula dõdõgu, sedõna mangalani ya’odo.
No oya ngawalõ zimõi fangala, edõna ifabalido ba haga.
2. Yesu femõna ndra’o ba wolawa, ngawalõ horõ famaelugugu.
Fefu zalagu si lõ omasi’õ, simõi ba’a-ba’a howu-howu.
U’andrõ be geheha ba dõdõgu, afu oroma ngawalõ horõgu.
3. Yesu femõna ndra’o ba wolawa, isõ’isõ simõi fangalagu.
Fabõi utõrõ lala elungua, ba zi sandrohu sa fa’aurigu.
Afu atulõ lala nitõrõgu, ya ehehau zamatõrõ tõdõgu.
4. Yesu femõa ndra’o fa ube’e, amatõrõwamõ wa’aurigu.
Fa ubõhõli zomasi-masido, afu ha khõu ahono dõdõgu.
Da uforõfa nõsigu ba horõ, fa lõ tebulõ ndra’odo tana khõu.
5. He Yesu keriso haogõ ndra’odo, fonaha ba dõdõgu zi duhu.
Ya eheha-U zamohouni ya’odo, ba wanayaigõ falimosagu.
Aro’õ wamatigu khõu keriso, fa usõndra wa’auri si lõ aetu.
6. Yesu femõa ndra’o ba wangandrõ, fa bõi so wa’atage dõdõgu.
No ere sebua ndra’ugõ khõgu, samaso khõ nama fangandrõgu.
Ba udõna-dõna khõ-Mõ Yesu, wa õfo’honoa wa’aurigu.
7. Yesu femõna ndra’o ba wogamõ, sawatõ dõdõ so’ahonoa.
Usuno ndra’ugõ soroi ba dõdõ, ya sumangeu fefu wa’aurigu.
Be’e khõgu wa’auri si lõ aetu, ba si lõ tebulõ-bulõ, yaduhu.