1. Sangodaligõ Lowalangi, ba sanõtõna khõ-Nia.
Da’õ zi falukha fa’auri, he ia’e, he dania.
Andrõ Yehowa zawatõ, ha Ya’ia dõtõnafõ.
2. Asese so zangarõ-ngarõ, ni fobõrõ gisõ’isõ.
Me lõ lafuli khõ Yehowa, wa lõ linga-linga dõdõ.
Andrõ fefu da tasao’õ, gakaolada ba wangandrõ
3. So gõi zanahigõ So’aya, na tohare wanandraigõ.
Me lõ latema ni’andrõra, ohitõ dõdõra andrõ.
Tani Yehowa ba da’õ, afu so wanaha tõdõ.
4. Yehowa sa zamo’ana’a, ba sama’anumana gõi.
Ba Ya’ia zangõndrõgõ, ba same’e salawa gõi.
Me oi i’ila gaekhuta, zi lõ na mufobõrõta.
5. Ibe gomusola dõdõda, afu aro wamatida.
Ibe wa’ohahau dõdõda, ena’õ lõ farõi ita.
Na no ofõna tasõndra, wa’abanua Zo’aya.
6. Andrõ dozi manunõ ita, wanuno Lowalangida.
Me no satulõ wolau Nia, ba wamatõrõ ya’ita.
Oi si sõkhi lua-lua, gohitõ dõdõ Yehowa.
7. He Ama, rongo wangandrõma, bõi rõiga ba wasõndrata.
Bokai hõrõma fama’ila, zomasi dõdõ-Mõ khõma.
A’aro’õ wamatima, irugi ba gamozua.
FASÕNDRATA (321-333)