1. Hiza mbawa no humaga, ihagaini ita gõi.
Wa’asõkhi haga nia, irara dõdõda gõi.
Ihagaini gulidanõ, irugi ba nomoda.
No niwõwõi Lowalangi, fangomuso dõdõa.
2. Mõi fanusugi dõdõda, haga mbawa me sõkhi.
Isului manõ lalada, ihagaini zogõmi.
Simanõ gõi haga Yesu, samohaga tõdõda.
Isului manõ lalada, ba wogamõ khõ nama.
3. No tõra haga Zo’aya, moroi ba haga mbawa.
Lõ manõ ndrundrumõ ia, gõtõ-gõtõ wa’ara.
Me no haga Lowalangi, soroi zorugo yawa.
Ifoloi zogõmi-gõmi, sombalugõ tõdõda.
4. Wa’asõkhi haga Yesu, me soroi Lowalangi.
Ifanema ita fefu, eheha samohouni.
Haga Yesu nitemada, na ta’o’õ li-Nia.
Sangoroma khõda lala, saekhu ba zi so ama.