1. Ma’andrõ khõu Yesu, amualagõ.
Wa’ebua dõdõ ba mbanua-Mõ.
2. Lõ fa’abõlõma wolawa horõ.
Sitebai ndra’aga na lõ Ya’ugõ.
3. Rongo gangandrõwa, zamati khõ-Mõ.
Bõi bulõ’õ khõma, wa’omasi-Mõ.
4. Nõnõ ba dõdõma, haga gehehau.
Sangoroma lala fa lõ elungu.
5. He Yesu ma’andrõ, watolosa-Mõ.
Ba wogaoni niha si farõi khõ-Mõ.
6. Wa’ato zelungu sabe’e tõdõ.
Be’e aefa ira sawuyu horõ.
7. Kaoni fefu ira, wefao awõma.
Wanema fa’auri so’ahonoa.