1. To’ele haga Zo’aya, ba niha gulidanõ
Fangoroma’õ wamati, na duhu so wolo’õ
Ba dozi si lõ tebulõ, oi so khõra dõtõnafõ
2. Oi taya wangiwa dõdõ, ba wekoli ba danõ
He famakao fa’afõkhõ, tola manõ tataõgõ
Me Yesu zi lõ tebulõ, fao khõda ero ma’õkhõ
3. Ha nahia wekolida, danõ si so ya’ita
Si lõ aro si lõ ara, fefu zi so khõnia
Awai zaro si lõ aya, ha nibe Yesu So’aya
4. No halõwõ fa’omasi, duho wohalõwõda
Afu dozi te’orifi, niha nidõnisida
Tabe dalida geheha, ba wondrõnisi tõdõra
5. Ato genoni Zo’aya, solulu fa’aurira
Wanuriaigõ ba niha, Yesu zindruhu lala
Ya fa’abõlõ geheha, zangaro’õ famatida.