1. Fefu niha ba gõlia, a’oi elungu.
Ba lakhõmi saõsõ taya, si lõ mofozu.
Ha sambalõ zofozu, soroi Zo’aya Yesu.
Turia somuso dõdõ, sindruhu-ndruhu.
2. Oi tebulõ dõi sebua, ba fo’ana’a.
Na Ifalua So’aya, zomasi Ia.
Ha li Zo’aya Sokhõ, zi lõ mamalõ-malõ.
Sanau õlõ ba wolo’õ, lõ aekhu gõlõ.
3. Ya’ita nikaoni Yesu, ya bõi arõrõ.
Me no oya wamaelungu, ba fanandraigõ.
Bõi aetu wangenanõ, fa bõi adõni dõdõ.
Ba ngawalõ gisõ’isõ,sondrõrõ tõdõ.
4. He ya’ita talifusõ, dozi samati.
Nikaoni Zo’aya Yesu, ba wangorifi.
Da ta’o’õ li Nia, bõi mangiwa dõdõda.
Fa’a’ozu ba tarugi, zorugo yawa.
5. He So’aya fondrondrongo, gangandrõwama.
Fasaoga bongi ma’õkhõ, fa lõ te’ala.
Be’e khõma geheha, sangabõlõ ya’aga.
Wogamõ so’ahonoa, ba zi so ama.