1. Da tahalõ fa’aurida, zomasi Yesu.
Me no ha Ya’ia lala, ba fa’aduhu.
Ha khõ keriso Yesu, so wa’auri sindruhu.
Fa’auri si lõ tebulõ, ba si lõ aetu.
2. Da tahalõ fa’aurida, keriso Yesu.
Razo ia ba sabõlõ, solawa udu.
He na so zamaelungu, solohi sameta’u.
Bõi si wangiwa dõdõda, ba bõi ata’u.
3. Eheha zi no mogaoni, niha khõ Yesu.
Andrõ bõi ya so zarõrõ, mõi ita fefu.
Da tarõi zi lõ sõkhi, ta’alui zangorifi.
Tõdõda tabe khõ Yesu, fa Ibohouni.
4. He Yesu tebai ndra’aga, wolawa horõ.
Ha Ya’ugõ zi no mõna, wolawa horõ.
Femõna gõi ndra’aga, fa’ebua dõdõ-Mõ.
Be ba dõdõma geheha, ni’amoni’õ.
5. He So’aya, bõi famalõ, tolo ndra’aga.
Me no oya nemalima, no ifasuiga.
Oya gõi zagafõkhõ, wanõrõ ulidanõ.
A’aro’õ wamatima, wanaõgõ da’õ.