1. Awai zawatõda ha Yesu manõ.
Tabe ba dõdõda li nia andrõ.
2. Lõ nasa ya’ita ba gulidanõ.
Me itehe mate ba rõfa andrõ.
3. Na ta’angeragõ zi no itaõgõ.
Ha bõrõ horõda soya ngawalõ.
4. Da ta’ogorofi ngawalõ horõ.
Da tasawa Yesu sahakhõ tõdõ.
5. Da tarõi sa fefu zi lõ atulõ.
Ya so wamati sifao folo’õ.
6. Taromali nia ta’oguna’õ.
Ba lala wekoli ba gulidanõ.
7. Ibe’e geheha simõi manolo.
Fa tola so khõda wamati saro.
8. Khõ nama ta’andrõ zoguna khõda.
Lõ zi lõ tatema bõrõ Zo’aya.
9. Ha Yesu So’aya gumbu aurifa.
Solomasi khõda gõtõ wa’ara.
10. Lõ manõ mangiwa sa’ae dõdõgu.
Moroi ba dõdõgu u’o’õ Yesu.