Dozi ita fefu omuso dõdõda, tasuno-suno Zo’aya.
Da ta’osara’õ fefu gõi dõdõda, wangalulu fõna Nia.
Talulu khõ-Nia, fefu zi so, khõda, awõ wa’aurida.
Nilau dõdõ-Nia Ifa’ema khõda, mbuala si’oroi nama.
Fangefa’õ horõ awõ wangatulõ, fao wamohouni ya’ita.
Tabokai dõdõda, wangombakha horõ, si mõi ba’a-ba’a.
Ya’ita sowulo, ya hasara dõdõ, ya so khõda wa’omasi.
Ya so wa’awõsa, ya’aro wamati, ta’arõu’õ zi lõ sõkhi.
Ya dozi ta’andrõ, he Yesu bohouni,be khõma wa’auri.
Ya sõkhi dõdõda fefu khõ nawõda, ya faondra wangera-ngera.
Fefu wayawasa awõ wolau faya, da tarõi me no fangala.
He Yesu be khõma, dõdõ fa’omasi, soroi ba geheha.