1. Da tasuno Lowalangi, samatõrõ ya’ita.
No Ifahowu’õ ita, sandrohu fa’aurida.
Ta’andrõ saohagõlõ, wa’omasi Zo’aya.
2. Tuho goroisa Zo’aya, ba daroma li Nia.
Da ta’omasi’õ Ia, he gõi awõda niha.
Da ta’oigõ dõdõda, ta’o’õ, tafalua.
3. No gõi duma-duma khõda, wa’omasi Zo’aya.
Lõ ibe’e ba’a ba’a, fefu ngawalõ zala.
Fa’omasi Zo’aya, duhu tebai nisu’a.
4. Da fao ita ba wangandrõ, wangalulu khõ-Nia.
Ta’andrõ geheha-Nia, sangabõlõ ya’ita.
Ya sanau õlõ ita, wamati khõ Zo’aya.
5. Fa’omasi waangoroma, na hasara dõdõda.
Fa’omasida nawõda, bõi tebulõ he ara.
Ya bõi olifu ita, wa’omasi Zo’aya.