1. Yesu amõli wa’aurigu, si no õkaoni banua-U.
Niheta-Mõ ba wa’elungu, nibe’eu haga sindruhu.
Efa’õdo ba wanguhuku, bõi faigi ngawalõ horõgu,
Fa lõ tehuku nosogu.
Taromali-Mõ wogaonigu, fangoroma wa lõ sõkhigu,
Ya somasi’õ nilaugu.
2. No ifasuido emaligu, hulõ sibai zi fahuwu.
Sedõna momba’a lalagu, wolo’õ keriso Yesu.
Oya wondõnisi dõdõgu, nilau gafõkha samaelungu,
Samakiko fa’aurigu.
Ha Ya’ugõ dõtõnafõgu, sangamõlisi fa’aurigu,
Zi sandrohu fekoligu.
3. Yesu no anehe Ndra’ugõ, wa ambõ fa’abõlõgu.
No ambõ gõi gera’eragu, ba wanimba sifa’udu.
Fasao ndra’o ba dõrõwagu wanõrõ lala wekoligu,
Fa bõi farõi ndra’odo khõu.
Abõlõ’õ ndra’o he Yesu, fabõi awuwu wamatigu,
He oya zamaelungu.
4. U’andrõ Yesu hõna khõgu, wangõna soroi khõ nama.
Afu lõ te’ala ndra’odo, ba wa’onekhe zatana.
Bõbõ talugu wa’aduhu, tetenaulu wangorifigu,
Fa’atulõ gõrõbagu.
U’andrõ be anau gõlõgu, ba fahowu’õ wa’aurigu,
Ba wogamõ sawatõgu.