1. Farou dõdõma he So’aya, fabõi mabato wangandrõ.
Ena’õ ha sara dõdõma, wanunõ abula dõdõ.
Ha Ya’ugõ zawatõma, same’e fondrara dõdõ.
2. Lala wa’aurima So’aya, lõ sitobini sa khõ-Mõ.
Ha Ya’ugõ dõtõnafõma, sangila mangatulõ’õ.
Ba samatõrõ tõdõma, geheha ni’amoni’õ.
3. He ma’eregesi dõdõma, na lõ Ya’ugõ So’aya.
Lõ gõi fa’ahono dõdõma, na dali gera-erama.
He Yesu tolo ndra’aga, ba dou’õ na wamatima.
4. Lõ aekhu gõlõma wangandrõ, me So’aya zamolala.
Mafati li-U si no õwa’õ, si mõi khõ-Mõ lõ õtimba.
Andrõ faduhu dõdõma, wa Õbe’e ni’andrõma.