1. Amaedola zoloyo, wa’aurigu andre.
Õtõna no ebolo, egebua mbade.
Oya gameta’uõ, samangiwa dõdõ.
Ogõmi-gõmi lala, lõ oroma danõ.
2. Ba nasi so gakaola, me fazuzu nangi.
Noi fahõna de’ala, no fasui emali.
Ba mangarõ dõdõgu, heza so zanolo.
Da’e wanema ligu, ’Ha Yesu Keriso.
3. Ufaõga hõrõ dõdõ, u’ila madala.
Tõi Nia tõtõnafõ, itugu mohaga.
Da’õ zanului lala, oi oroma sa’ae.
Sogõmi no oi taya, ba tebato mbade.
4. Hiza Yesu So’aya, sangamuri owo.
Ifasaodo ba zaota, lõ ae ata’udo.
Wa’omuso dõdõgu, me imane khõgu.
Bõi ata’ufi fefu, Ufahono nudu.
5. Ube dali Ndr’ugõ, Keriso So’aya.
Gofu he õfatõrõ, Ya’ugõ zangila.
Fowa’a ba dõdõgu, wamati ba li-Mõ.
Ya khõu ndra’do Yesu, lõ mamalõ-malõ.
6. No Iwa’õ So’aya, Ya’o wa’aduhu.
Amati, anõtõna, tõdõu be’e khõ-Gu.
Utolo, Ufolala, Ube ni’andrõmõ.
Hiza ahatõ zaota fa’auri khamõtõ.
7. U’o’õ ba ufati, li-U Yesu Keriso.
Ya’ugõ Zangehowu, sondrorogõ ya’o.
Aro sibai dõdõgu, wa Ya’ugõ Yesu.
Zame khõgu fa’auri, nyaduhu, yaduhu.