1. Tasuno Lowalangi ba zorugo, Same’e haga ba gulidanõ.
Same sibongi awõ zi ma’õkhõ,ba talumbanua yawa danõ.
No Ifõfõgõ nasi segebua, Ifatumbu’õ ndu’u ba danõ.
Oi te’asogõ fefu geu sowua, sinanõ ba danõ oi so manõ.
2. Tasuno Lowalangi ba zorugo, same’e luo bawa ba dõfi.
Same sihombo ba dalumbanua, ba saliwa badanõ ba nasi.
No te’asogõ gõi gurifõ, niha, fefu zoguna oi ibõnõkhi.
Alai niha wa la’erogõ Nama, me lawai oi fa’abõlõra gõi.
3. Tasuno Lowalangi ba zorugo, me sombõi niha famaedo Nia.
Itehe wamatõrõ ulidanõ ba sihombo ba dalumbanua.
Ena’õ dozi sanuno Ya’ia, ba sangerõnu oroisa Nia.
Alai niha me lõ oi fangenanõ, oi la’o’õ li famaelungura.
4. Tasuno Lowalangi ba zorugo, samatenge Yesu hõli niha.
Solohe fangefa ba gulidanõ afu auri zamati khõ-Nia.
Alai niha wa la’erogõ Yesu, lõ lafondrondrongo li Geheha.
Me no tobini khõra wa so huku, na mangawuli Yesu So’aya.