1. Ya’e ndra’aga So’aya, ma’ondrasi ndra’ugõ.
Fao fe’e ba tawa hõrõ, wangaluluma khõ-Mõ.
Bõi be’e dali horõma, temaga tana khõ-Mõ.
2. He So’aya omasiga, wondrõi si lõ atulõ.
Ha khõmõ madõna-dõna, khõu so wangefa horõ.
Ha tõ’õgõ khõma Yesu, fa’aurima ndra’ugõ.
3. Ha ya’ugõ zawatõma, sanolo sangatulõ.
Me õdozigõ wame’e, ba zomasi mõi khõ-Mõ.
Hatõ’õgõ-hatõ’õgõ, khõma bongi ma’õkhõ.
4. No faduhu sa dõdõma, wa’ebua dõdõ-Mõ.
He fahõna noro dõdõ, fulitõma ndra’ugõ.
Hatõ’õgõ-hatõ’õgõ, khõma bongi ma’õkhõ.
5. Fondrondrongo wangandrõma, na so gabula-dõdõ.
Be’e khõma wa’abõlõ, be’e wondrara dõdõ.
Hatõ’õgõ-hatõ’õgõ, khõma bongi ma’õkhõ.
6. Tõra moroi ba gana’a, nibe’e-U fangatulõ.
No do-Mõ sebua bõli, si lõ fabaya horõ.
Da ma’andrõ saohagõlõ, matema soroi dõdõ.