1. Fa’asõkhi dõdõ Yesu, ba zi no mamatisa.
Wa ifuli zui ikaoni, na okafu dõdõra.
Bõrõ galangua dõdõ, si no oya ngawalõ.
He no muhaga zamuza, ifuli zui ndrundrumõ.
2. Da’õ zomasi Zo’aya, na ifuli mohaga.
Afu tebohouni dõdõ, tefonaha geheha.
He no oya wanandraigõ, he fahõna wangala.
Na atulõ wasõndrata, ba musõndra wemõna.
3. Andrõ sõkhi na mõi ita, wangombakha horõda.
Na talulu fõna Yesu, wangehaogõ tõdõda.
Bõi tobalu khõda horõ, simõi bõrõ wangala.
Ba namangesa dõdõda, lõ itimba ita sa.
4. Bõi tatimba li geheha, sangotu’õ ya’ita.
Fa’omasi nia ita, fa lõ gõna te’ala.
Ya tatehe mohalõwõ, geheha ba dõdõda.
He afõkhõ na ihaogõ, ba bõi fatuwu khõda.
5. Awena duhu ahono, geheha ba dõdõda.
Na tabe niheta nia, ngawalõ zi fatimba.
Mo’arota wamatida, so wa’anau gõlõda.
Ba wanga’i halõwõda, famolakhõmi nama.