1. He Yesu no i’u’uni dõdõgu, fa’ogõmi, fa’ata’u.
No tosasa gõi dõdõgu, lõ usõndra lala wangorifigu.
2. No aboto ba dõdõgu ha Yesu, khõgu gubalo sindruhu.
Lõ manõ sa ufonaha, ngawalõ, horõ famabaligu khõ-U.
3. Fefu gisõ’isõ dõdõ, u’andrõ, bõi ifatõrõ dõdõgu.
Be geheha sohagaini, sangabõlõ, samohouni tõdõgu.
4. Na ambõ fa’aro dõdõ, lõ falukhadõ wa’omuso dõdõ.
He Yesu, u’andrõ tolo, folakhõmi ba dõdõgu rõfa-Mõ.
5. Utõtõna lõ õtimba ero mõido, mangalulu fõna-Mõ.
Me omasido utema wangefa, fangorifi fangatulõ.
6. Be khõgu wanaha tõdõ, ba wanandraigõ si ero ma’õkhõ.
Folakhõmi ba dõdõgu, wa’omasi si lõ mamalõ.
7. Fehulu sibai dõdõgu, ba wogamõ fa’auri si lõ aetu.
Lõ ae mangiwa dõdõ, me ya’ugõ zawatõgu sindruhu.